मराठी सिनेसृष्टीतील ज्येष्ठ अभिनेते श्रीकांत मोघे यांचे वयाच्या ९१ व्या वर्षी निधन

मराठी सिनेसृष्टीत आपल्या उत्कृष्ट अभिनयाचा ठसा उमटवणारे थोर व ज्येष्ठ अभिनेते श्रीकांत मोघे यांचं वृद्धापकाळाने आज निधन झाले. ते ९१ वर्षांचे होते. 

६ नोव्हेंबर १९२९ रोजी किर्लोस्करवाडी येथे त्यांचा जन्म झाला होता

त्यांनी अनेक प्रसिध्द नाटकांमध्ये तसेच सिनेमांमध्ये काम केले होते. सुरवातीच्या काळात चॉकलेट हिरो म्हणून प्रसिध्द असलेले श्रीकांत मोघे नव्वदच्या दशकात साहाय्यक भूमिकेत दिसले. गम्मत जम्मत, नवरी मिळे नवऱ्याला, या सारख्या सिनेमांमधून केलेल्या भूमिका लोकांच्या विशेष लक्षात राहिल्या. श्रीकांत मोघे यांनी जवळपास ६० नाटकांमध्ये भूमिका केली तसेच ५० हुन अधिक सिनेमामध्ये काम केलं आहे.

त्यांचा मुलगा शंतनू मोघे आणि सून प्रिया मराठे-मोघे आजही सिनेसृष्टीत सक्रिय आहेत.