सुबोध भावे करत आहेत संगीतमय सिनेमाचे दिग्दर्शन – सिनेमाचे नाव आहे ‘मानापमान’

सुबोध भावे यांचे संगीत नाटकांवर असलेलं प्रेम लपून राहिलेलं नाही. २०१५ साली त्यांनी दिग्दर्शित केलेला ‘कट्यार काळजात घुसली’ या संगीतमय नाटकाने इतिहास घडवला. सिनेमा प्रचंड गाजला. तेवढीच सिनेमातील गाणी देखील लोकांच्या हृदयात स्थान निर्माण करून गेली.

गुढीपाडव्याच्या निमित्ताने सुबोध भावे यांनी आपल्या आगामी संगीतमय चित्रपटाचे ‘मानापमान’ पोस्टर प्रदर्शित केले, या पोस्टर प्रदर्शित केल्यावर सुबोध भावे यांनी एक भावनिक पोस्ट आपल्या चाहत्यांना लिहली आहे, त्यात ते म्हणतात,

“आज नवीन वर्षाची सुरवात,आनंदाची गुढी उभारूया!

नवीन वर्षाच्या तुम्हा सर्वांना संगीतमय शुभेच्छा!माणसाला माणसाशी जोडणारं,त्याला परमोच्च आनंद देणारं दान म्हणजे संगीत!
तुम्हा सर्वांना मनसोक्त आनंद द्यायला पुन्हा एकदा एक “संगीतमय चित्रपट” घेऊन येत आहोत.”

या सिनेमात अजून कोण कोण कलाकार आहेत याची कल्पना त्यांनी दिली नाही. परंतु त्यांच्या पहिल्या सिनेमात ‘कट्यार काळजात घुसली’ या सिनेमात जसे अनेक नामवंत कलाकार होते तसेच अनेक नामवंत कलाकार या सिनेमात देखील आपल्याला पाहायला मिळतील अशी आशा करूयात आणि आपल्या फिल्मीगीरीच्या वाचकांच्या वतीने ‘मानापमान’ सिनेमाला शुभेच्छा देऊयात