‘घटस्फोट सोहळा’ ते ‘मंगलाष्टक रिटर्न्स’

काही दिवसांपूर्वी ‘घटस्फोट सोहळा’ या नावाचा एक बोर्ड सोशिअल मीडिया वर भलताच व्हायरल झाला होता. येडे पाटील आणि म्हात्रे पाटील अश्या दोन परिवारातील हा घटस्फोट सोहळा होता. हे प्रकरण नेमकं काय आहे ? या बाबतीत कमालीची उत्सुकता लोकांच्या मनात होती. अखेर या रहस्यावरून पडदा उठला असून हा सगळा एका सिनेमाच्या प्रमोशनचा भाग असल्याचे समजते.

होय, प्रसाद ओक यांचा हा सिनेमा असून, योगेश भोसले हा सिनेमा दिग्दर्शित करत आहेत. प्रसाद ओक यांच्या व्यतिरिक्त अजून बरेच दिग्गज कलावंत या सिनेमात आपल्याला दिसतील. आनंद इंगळे, सक्षम कुलकर्णी, श्वेता खरात, प्रसन्ना केतकर, शीतल अहिरराव, सुनील गोडबोले, कमलेश सावंत, भक्ती चव्हाण, शीतल ओसवाल, प्राजक्ता नेवळे, सोनल पवार, समीर पैलस्ते यांच्या देखील भूमिका आपल्याला या सिनेमाच्या माध्यमातून पाहायला मिळतील.