सवित्रीज्योती मालिका घेतेय प्रेक्षकांचा निरोप

सोनी मराठीवर सोमवार ते शनिवार रोज रात्री प्रदर्शित होत असलेली मालिका ‘सवित्रीज्योती’ प्रेक्षकांचा निरोप घेत आहे. मालिकेला प्रेक्षकांकडून अपेक्षित प्रतिसाद मिळत नसल्या कारणाने ही मालिका बंद करण्याचा निर्णय घेण्यात आल्याचे कळते.

महात्मा ज्योतिबा फुले आणि सावित्रीबाई फुले यांच्या महान कार्यावर आधारित या मालिकेमध्ये ओंकार गोवर्धन यांनी ज्योतीबा फुले यांची भूमिका केली होती तर अश्विनी कासार यांनी सावित्रीबाई फुले यांची भूमिका बजावली होती.

चांगला आशय घेऊन आलेल्या मालिका टीआरपी च्या अभावी बंद होणे ही खर म्हणजे चिंतेची बाब आहे. या गोष्टीचा सोशिअल मीडियावर संताप व्यक्त होत आहे.