प्रवीण तरडे यांच्या सरसेनापती हंबीरराव मोहिते सिनेमात गश्मीर महाजनी साकारणार छत्रपती शिवाजी महाराजांची भूमिका

गेल्या वर्षी मराठीतील प्रसिध्द दिग्दर्शक निर्माते प्रवीण तरडे यांनी स्वराज्याचे सरसेनापती हंबीरराव मोहिते यांच्या जीवनावर आधारित सिनेमाची घोषणा केली होती. याची माहिती आपण आपल्या फिल्मीगिरी वेबसाईटवर आपल्या वाचकांना दिलीच होती (इथे क्लिक करून माहिती वाचा ). परंतु त्या सिनेमात कोणकोणते कलाकार आहेत हे चित्र तेव्हा स्पष्ट झालं नव्हतं.

पण आज छत्रपती शिवाजी महाराजांच्या जयंती निमित्ताने प्रवीण तरडे यांनी या सिनेमात महाराजांची भूमिका कोण साकारणार या रहस्यावरून पडदा उघडला आहे. तर सरसेनापती हंबीरराव मोहिते या सिनेमात महाराजांच्या भूमिकेत आपल्यला दिसतील मराठीतील प्रसिध्द अभिनेते ‘गश्मीर महाजनी’.

मराठी मध्ये नव्वदचं दशक गाजवलेले अभिनेते रविंद्र महाजनी यांचे सुपुत्र असलेले गश्मीर महाजनी यांनी देखील आपल्या अभिनयाची छाप पाडत मराठी चित्रपटसृष्टीत एक वेगळी छाप पाडली आहे. ‘मला काहीच प्रॉब्लेम नाही, बोनस, वन वे तिकीट, या सारख्या सिनेमातून ते आपल्या भेटीला आले होते.