Sakhhe Shejari (सख्खे शेजारी) Marathi TV Serial

स्वप्नांच्या पलीकडे मालिकेमुळे नावारूपाला आलेला अभिनेता चिन्मय उदगिरकर आता आपल्याला एका नव्या मालिकेचं सुत्रसंचालन करणार आहे. या मालिकेच्या अनुषंगाने चिन्मय अनेक जणांच्या घरी जाणार आहे. वर्षानुवर्षे आपल्या बाजूला राहणाऱ्या आपल्या शेजाऱ्यांच्या एकमेकांविषयीच्या भावना या सख्खे शेजारी मालिकेच्या माध्यमातून लोक व्यक्त करतील.

या मालिकेबद्दल चिन्मय सांगतो की बऱ्याच दिवसांपासून एका वेगळ्या संकल्पनेच्या शोधात होतो, या मालिकेमुळे ती संधी मिळाली आणि मी खूप आनंदी आहे.

या मालिकेमध्ये शेजाऱ्या शेजाऱ्या कुटुंबात अनेक मजेशीर खेळ खेळले जातील. विजेत्या कुटुंबाला ५० गृहउपयोगी वस्तू तसेच एक छान नेमप्लेट दिली जाईल.

११ जानेवारी पासून सोमवार ते शनिवार रोज संध्याकाळी ६:३० वाजता या मालिकेचं कलर्स मराठीवर प्रक्षेपण केलं जाईल. तेव्हा आपल्या फिल्मीगिरी तर्फे ‘सख्खे शेजारी’ या मालिकेच्या टीम ला शुभेच्छा देऊयात