चांदणे शिंपीत जाशी मालिका | Cast, Story, Actors Real Name

२८ डिसेंबर पासून अमृता धोंगडे यांची नवी मालिका सुरू होत असल्याची बातमी आपण फिल्मीगिरीच्या वाचकांना या आधी दिली होतीच. पण अमृता धोंगडे यांच्या सोबत मुख्य भूमिकेत कोण असणार होतं ते नाव मात्र गुलदस्त्यातच होतं. पण आता नुकत्याच प्रदर्शित झालेल्या प्रोमो वरून हा चेहरा समोर आला आहे. तर प्रेक्षक हो अमृता धोंगडे यांच्या सोबत ‘चांदणे शिंपीत जाशी’ या मालिकेत नायक म्हणून सचेत पाटील आपल्याला अभिनय करताना दिसतील.

मराठी प्रेक्षकांना सचेत पाटील यांची ओळख करून देण्याची गरज नाही. हा देखणा अभिनेता आपल्याला आजवर अनेक चित्रपटात दिसला होता. त्यांचे क्षणभर विश्रांती, झेंडा, क्लासमेट हे चित्रपट खूप लोकप्रिय झाले होते. या शिवाय तीन वर्षांपूर्वी त्यांनी ‘राधा प्रेम रंगी रंगली’ या कलर्स वाहिनी वरील मालिकेतून छोट्या पडद्यावर पदार्पण देखील केले होते. त्यानंतर या ‘चांदणे शिंपीत जाशी’ मालिकेतून ते परत एकदा आपल्याला छोट्या पडद्यावर दिसतील.

सचेत पाटील यांना पुढील वाटचालीसाठी आपल्या फिल्मीगिरी टीम तर्फे शुभेच्छा देऊयात.