Choomantar Marathi Movie| Reviews, Cast, Story

लॉकडाउन मध्ये सगळ्या चित्रपटाचं भारतात चित्रिकरण बंद असताना परदेशात मात्र काही अंशी चित्रिकरण चालू होते. याचाच फायदा उठवत या अवघड परिस्थितीत थोडंस बजेट वाढवून काही सिनेमे परदेशी चित्रित केले गेले. यापैकीच एक सिनेमा म्हणजे नितीन वैद्य यांचा लंडन मध्ये चित्रित झालेला ‘छुमंतर’ हा सिनेमा.

‘गच्ची’ ‘नाळ’ यासारख्या दर्जेदार सिनेमांची निर्मिती केलेले नितीन वैद्य सांगतात की कोरोनाच्या पाश्वभूमीवर परदेशी चित्रीकरण करणं देखील आव्हानात्मक होतं. पण याआधी देखील लंडन मध्ये चित्रिकरण केल्याचा अनुभव पाठीशी असल्याने परत एकदा लंडन मध्ये शूटिंगचा निर्णय घेतला. भारतातून निघण्यापूर्वी प्रत्येक कलाकारांच्या तीन वेळा कोविड चाचण्या करण्यात आल्या होत्या. शिवाय लंडन मध्ये देखील कलाकारांच्या तब्येतीची विशेष काळजी घेण्यात आली होती