Man Kasturi Re Marathi Movie | Reviews, Cast, Story
अभिनय बेर्डेचा येणारा नवा कोरा सिनेमा - मन कस्तुरी रे
महाराष्ट्राचा लाडका विनोदी अभिनेता लक्ष्मीकांत बेर्डे यांचा मुलगा अभिनय बेर्डे याने सतीश राजवाडे दिग्दर्शित ‘ती सध्या काय करते’ या सिनेमातून मराठी सिनेसृष्टीत पदार्पण केले होते. या सिनेमात त्याने मध्यमवर्गीय कुटुंबातील कॉलेजमध्ये जाणाऱ्या मुलाची भूमिका साकारली होती. या सिनेमा नंतर अभिनय रवी जाधव यांच्या रंपाट आणि सचिन पिळगावकर यांच्या ‘अशी ही आशिकी’ या सिनेमात काम केले होते.
थोड्याच कालावधी मध्ये अभिनय बेर्डे याने आपला स्वतःचा असा वेगळा प्रेक्षक निर्माण केला आहे. त्याच्या दिसण्याने, त्याच्या केसांच्या स्टाईल मुळे अनेक महाविद्यालयीन तरुणींच्या गळ्यातील ताईत अभिनय बेर्डे बनला. तर काही वेळा मध्यमवयीन ते जेष्ठ नागरिक त्याच्या मध्ये लक्ष्मीकांत बेर्डे यांची छवी पाहू लागले.
आता अभिनय बेर्डे महाराष्ट्राच्या प्रेक्षकांना त्याच्या नव्या सिनेमाची मेजवानी घेऊन येत आहे. ‘मन कस्तुरी रे’ असं या सिनेमाचं नाव असून. तो लवकरच आपल्या भेटीला येईल अशी आशा आहे. कोरोना मुळे झालेलं लॉकडाउन आणि त्यामुळे बंद पडलेलं सिनेमाचं चित्रीकरण याचा फटका अभिनय बेर्डेच्या या ‘मन कस्तुरी रे’ सिनेमाला देखील बसला. पण आता सगळे चित्रीकरण परत सुरू झाल्यावर या सिनेमाचे चित्रीकरण देखील जोमात सुरू झाले आहे.
सध्या तरी या सिनेमात अभिनय सोबत कोण कोण आहे हे कळले नसले तरी लवकरच आपल्याला बाकीचे कलाकार कोण आहेत हे कळेल. अशी आशा धरूयात आणि अभिनय बेर्डे या उमद्या अभिनेत्याला त्याच्या नव्या कोऱ्या ‘मन कस्तुरी रे’ या सिनेमासाठी शुभेच्छा देऊयात.
Man Kasturi Re Cast:
Abhinay Berde