Tic Tac Toe (2020)

मिसेस मुख्यमंत्री फेम तेजस बर्वेची प्रेमावर आधारित वेबसिरीज - टिक टॉक टो

मैत्री, प्रेम या बाबतीत नवीन पिढीला भारी आकर्षण असते. प्रेमात पडायला सोप्पे असते पण ज्या व्यक्तीच्या प्रेमात पडलो आहोत त्या व्यक्तीसमोर प्रेम व्यक्त करायला मात्र भीती वाटते. याच गोष्टीला केंद्रबिंदू ठेवून तेजस बर्वेच्या या वेबसिरीजचे कथानक पुढे सरकते.

तेजस बर्वेची मराठी रसिक प्रेक्षकांना ओळख म्हणजे झी मराठी वरील मिसेस मुख्यमंत्री या मालिकेतील समर. हा गोंडस चेहरा अल्पावधीतच लोकप्रिय झाला. आता तो आपल्याला या 'टिक टॉक टो' या वेबसिरीज मधून परत भेटीला येतोय. तेजस सोबत प्रमुख भूमिकेत आहे मयुरी कापदाने. याशिवाय अनेक दिग्गज कलाकार या वेबसिरीज मध्ये अभिनय करताना आपल्याला दिसतील.

आदेश वैद्य, चिन्मय उदगिरकर, आनंद इंगळे, निशिगंधा वाड, सौरभ गोगटे, जयंती भाटिया, अक्षता सामंत, चंद्रकांत कुलकर्णी हे कलाकार या वेबसिरीज मध्ये आहेत.

कॅफे मराठी तर्फे रोहित पाटील आणि अर्चना पाटील यांनी निर्मिती केलेली, आणि प्रवीण काळोखे यांनी दिग्दर्शित केलेली ही वेबसिरीज एमएक्स प्लेअर, व्होडाफोन प्ले, ऐरटेल एक्सट्रेम वर तुम्ही मोफत पाहू शकता.