Bittersweet Marathi Movie | Reviews, Cast, Story

“बिटर स्वीट” हा सिनेमा साखर उद्योगधंद्यात होत असणारा मजुरांचा छळ या विषयावर प्रकाश टाकतो. कामगारांच्या मानसिक छळासोबतच त्यांचा शारीरिक छळ देखील केला जातो. विशेष म्हणजे स्त्री कामगारांच्या गर्भधारणा क्षमतेला जबरदस्तीने शस्त्रक्रिया करून संपवले जाते. जेणेकरून त्यांच्या कडून जास्त काम केले जाईल.

मराठी सिनेरसिकांच्या दृष्टीने एक आनंदाची बातमी म्हणजे अनंथ नारायण महादेवन लिखित बिटर स्वीट या सिनेमाचा ट्रेलर नुकताच प्रदर्शित झाला आहे. हा सिनेमा प्रसिद्ध “बुसान फिल्म फेस्टिव्हल” या मध्ये दाखवला जाणार आहे. हा सिनेमा अनंथ महादेवन यांनीच दिग्दर्शित केलेला असून. या सिनेमात अक्षया गुरव, सुरेश विश्वकर्मा, स्मिता तांबे, असित रेडिज, अनिल नगरकर, भाग्यश्री पणे, विवेक चाबुकस्वार हे कलाकार आहेत. आणि मराठी प्रेक्षकांना आनंदाचा धक्का म्हणजे मराठीचे प्रसिद्ध कवी आणि सुप्रसिद्ध गीत लेखक गुरू ठाकूर हे देखील या सिनेमात अभिनय करताना दिसतील.